Servizos
Ø
CONCELLO DE BOIRO:
· Centraliña: Información xeral sobre servizos do Concello de Boiro.
Web:boiro.gal. (Información xeral, cita previa, sede electrónica, portal tributario…)
· Gabinete de Alcaldía: Concertar xuntanzas co alcalde ou concelleiros/as,
difusión de actividades RELEVANTE dos centros e ANPAS
·
Servizos Sociais:
O Servizo Social Municipal
é un conxunto de servizos públicos e gratuítos de actuacións orientados a
mellorar o benestar social da cidadanía mediante da prestación de información, atención e apoio ás persoas e ós
colectivos vulnerables.
Son obxectivos do sistema galego de servizos sociais os
seguintes:
a)
Facilitar alternativas, recursos e itinerarios de
integración social a aquelas persoas que se encontran en situación ou en risco
de exclusión social.
b)
Garantir a vida independente e a autonomía persoal das
persoas en situación de dependencia integrando, a estes efectos, o catálogo de
prestacións do sistema para ola autonomía e atención á dependencia.
c)
Dar protección e oportunidades sociais e educativas a
menores de idade e a aquelas outras persoas que se encontren en situación de
conflito ou de desamparo. d) Previr a aparición de calquera situación de
dependencia, exclusión, desigualdade ou desprotección ás que fan referencialos
obxectivos anteriores.
d) Previr a aparición de calquera situación de
dependencia, exclusión, desigualdade ou desprotección ás que fan referencialos
obxectivos anteriores.
f) Facilitar a execución de políticas públicas de
anticipación a unha sociedade multicultura emerxente, favorecendo a integración
e socialización normalizada de inmigrantes, emigrantes retornados e minorías
étnicas.
g) Promover e dinamizar a participación comunitaria, o
asociacionismo solidario, a axuda mutua e a implicación da cidadanía na posta
en marcha de iniciativas de prevención e mellora da cohesión social.
h) Facilitar a aplicación efectiva nos seus servizos e programas
de políticas transversais que incidan na eliminación de todo tipo de
discriminación selectiva e exclusión social.
i) Garantir o apoio ás familias como marco de referencia no
que se desenvolven as persoas.
j) Sensibilizar, informar e promover valores de solidariedade
e integración na sociedade galega.
k) Promover e garantir
el dereito universal da cidadanía galega ao acceso aos servizos sociais,
garantindo a suficiencia presupostaría que asegure a súa efectividade.
Mais información: DOGA Núm.63 do veneres 30 de marzo do 2012 páx. 11267
Decreto 99/2012, do 16 de marzo,
polo que se regulan os servizos sociais comunitarios.
·
Centro De Información á Muller (CIM)
Servizo gratuíto para mulleres que
desexen información e asesoramento individualizado ou colectivo e apoio en
temas xurídicos, sociais, laborais e psicolóxicos, así coma calquera outra
información encamiñada á consecución da igualdade efectiva entre homes e
mulleres de xeito que lles permitan desenvolver plenamente os seus dereitos.
Poderán prestar atención e asesoramento a aquelas
mulleres que o demanden, de forma individual ou colectiva, formando parte dun
grupo o asociación de mulleres, así como a calquera persoa, en asuntos
relacionados coa promoción social da igualdade de xénero.
a)
As actividades de
prevención, información, asesoramento e loita en xeral contra a violencia de
xénero, así como a atención ás mulleres vítimas
desta violencia, serán prioritarias nos CIM. Nestes casos a atención,
ademais de ás mulleres vítimas de
violencia de xénero, poderanse estender
ás fillas e fillos e ás persoas menores ou maiores dependentes de elas. Estas
actuacións estarán dirixidas a reducir o impacto negativo que a situación de
violencia produce nestas persoas en tódolos ámbitos.
b)
Tamén será
prioritaria a atención a mulleres pertencentes a outros colectivos en situación
de vulnerabilidade e/ou rico de exclusión social.
c)
Así mesmo,
os CIM tamén poderán prestar información e asesoramento na súa área de
influencia ao colectivo de persoas lesbianas, gais, transexuais, bisexuais e
intersexuais (en adiante colectivo LGTBI), tanto individualmente como ás
asociacións e federacións que o demanden.
d)
Os diferentes servizos que
presten os CIM serán dispensados a calquera persoa usuaria que, individual ou colectivamente, os solicite, sen poder exixir que teña a condición de persoa
empadroada ou residente no concello ou ámbito territorial correspondente en
caso de que proceda dun concello no que
non existe este servizo.
Máis información:
DOG Núm.188 do Luns 3 de outubro do 2016, páx. 45369
Decreto 130/216,
de 15 de setembro, polo que se establecen os requisitos e procedementos para o
recoñecemento e acreditación dos centros de información á muller.
·
Dependencias Culturais Municipais
Todas as dependencias culturais do
Concello de Boiro están ó servizo da cidadanía tanto de xeito individual coma
colectivo. Toda a cidadanía pode acceder as dependencias de forma gratuíta. Prestan
e dan facilidades para a ensinanza e a práctica das diferentes
expresións culturais, así como para levar a cabo a difusión, formación,
capacitación, investigación, organización e apoio á creación artística, ditando
obradoiros en diferentes áreas artísticas como son danza, teatro e narración
oral, música, artes plásticas, literatura, entre outras; e dirixido a crianzas,
mozos, adultos e adultos maiores.
a)
Todos estes centros contan cun persoal técnico que lles
pode informar, asesorar, colaborar, etc. en todo momento cando o precisen.
b)
Ó longo do ano estes centros contan cunha programación
cultural destinada ao público en xeral. O Departamento conta con varios
programas anuais como de representacións teatrais, campamentos para os máis
cativos, Entroido, Letras Galegas, Nadal, cursos de formación, servizo de
biblioteca, exposicións, etc. Actividades que se difunden periodicamente na
prensa, web municipal facebook, etc.
c)
En caso de que os usuarios necesiten algún local para
cursos, asembleas, reunións, festivais, etc.
deben solicitalos con cita previa, primeiro no centro correspondente e
logo tras solicitude no Rexistro Municipal de Boiro. (Este servizo é gratuíto
salvo algunha excepción)
§ Casa da Cultura Ramón Martínez López e Biblioteca Municipal:
A Casa da Cultura
está situada na Avda. da Constitución nª 30, e en concreto, na entrada do
Parque da Cachada. Ofrece un servizo público accesible a toda a cidadanía e
gratuíto
Este inmoble
cultural conta con:
.. Salón de
actos: conta cunha programación de representacións teatrais todo o ano dirixida ás crianzas, mocidade e persoas adultas.
.. Aulas de
formación
.. Aula de informática da
Deputación de A Coruña
.. Sala de exposicións.
.. Biblioteca Municipal: lugar con acceso a unha grande cantidade de
libros, información e contidos, así coma acceso á tecnoloxía de xeito gratuíto
e legal e sempre co asesoramento do persoal bibliotecario se o necesitamos.
Lugar de estudio e de lecer, que conta con servizo de préstamo a domicilio. Ó longo do ano desenvolven unha programación de contacontos dirixida
especialmente aos máis cativos “Ler
conta moito”.
- Nas súas
dependencias atópanse os técnicos dos Dpto. de Educación e tamén do Dpto. de
Deportes.
§ Centro Social de Boiro e Sala de lectura:
Situado na rúa
Poeta Manuel María s/n, este espazo conta cos seguintes espazos e servizos
accesibles a toda a cidadanía
- Local social de maiores
- Local social para mocidade “Estación Leñaverde”
- Sala de lectura
pública municipal “universitaria” Lugar de estudio especializado para
universitarios, que conta con servizo de préstamo a domicilio.
- Aulas informáticas rede
Cemit
- Sala de exposicións
especializada en novos creadores
- Aulas de formación homologadas,
que tras reserva previa poden ser utilizados pola cidadanía.
- Oficinas de asociacións
“residentes” no centro (Cruz Vermella, Barbantia, Olláparo e Banda Municipal de
Música).
- Oficinas municipais
(servicios de cultura, festexos e mocidade)
- Omix (oficina de
información xuvenil)
- Escola de música
municipal
- Locais de ensaio e
local de gravación
- Cafetería
§ Centro Sociais veciñais:
- Información: no
Centro Social de Boiro (Abanqueiro, Comoxo, Moimenta, Esteiro…)
§ Centro Social Cabo de Cruz: 981 84 78 59 cabodecruz@boiro.org
Situase na Rúa Pesqueira, 93 de Cabo de Cruz, conta coas seguintes espazos:
- Auditorio
- Aulas de formación (4 und.)
- Sala de ordenadores
- Sala de exposicións aberta a todo/a artista e temática
- Salón social dá Terceira Idade
- Salón social polivalente: biblioteca, xogos, TV - vídeos,...
(Provisional)
- - Oficinas de asociacións “residentes” no centro ( Asociación de Veciños "A
Unión", Asociación AETEMA, etc.)
§
Centro
Social Escarabote e Biblioteca: 981 84
99 50 – leopoldo.portela@boiro.gal
Con enderezo en Agramuiña s/n. 15992. Escarabote /Lampón.
Boiro, este centro dispón
das seguintes dependencias e servizos:
- Axencia de Lectura
Municipal
- Aulas de formación
- Centro de reunión 3ª
Idade
- Salón de Actos
- Sala de ordenadores
- Cafetería.
§ Centro Arqueolóxico do Barbanza: 981 84 83 10 – centroarqueoloxicodobarbanza@gmail.com
Asentado en Lug. De Neixón – Nine s/n Cespón – Boiro, este
centro é un equipamento municipal gratuíto entre cuxas funcións está a
divulgación do patrimonio arqueolóxico da Comarca do Barbanza. O Centro está estruturado
en tres plantas e conta con:
- Sala de usos
múltiples
- Laboratorio
(pechado ao público)
- Recepción de
visitantes
- Sala de
exposicións permanente (Prehistoria recente do Barbanza: megalitismo, arte
rupestre, cultura castrexa).
- Tenda de
recordos e publicacións
- Sala de lectura
- Exposición de
restos exhumados (castros de Neixón)
- Visitas guiadas
de grupos organizados previa cita.
·
Corpos de Seguridade, Servizo Sanitario e outros:
§ Protección Civil:
É un corpo de seguridade que se
encarga da prevención e intervención en situacións potencialmente perigosas tales como: detección de riscos, accidentes
industriais, de tráfico, portos marítimos, incendios…, actuacións encamiñadas a
protexer ás persoas e os seus bens; restauración de servizos públicos;
colaboración en eventos públicos (culturais, deportivos, etc.); participa na
procura de persoas desaparecidas con outros corpos de seguridade, tamén actúa
no salvamento de persoas que están en situación de risco e no rescate e
recollida de fauna salvaxe. Tamén realiza actuacións ante inundacións,
temporais, xeadas e desastres naturais. Así mesmo actúa en todos aqueles
eventos nos que sexa requirido
A actuación da administración pública en materia de protección civil e
emerxencias ten como obxectivos os seguintes:
1. Xestión de riscos:
a) Identificar,
analizar e avaliar de maneira permanente os riscos existentes no territorio.
b) Previr os riscos existentes mediante o conxunto
de actuacións encamiñadas á diminución dos mesmos e a adopción de medidas
necesarias para a súa detección e posibles solucións.
c) Planificar a acción pública e privada ante
as situacións de risco, prevendo unha estrutura operativa e de mando
unificadas, os medios necesarios e os protocolos de actuación precisos para
asegurar a integridade das persoas e dos bens.
2. Xestión de emerxencias:
a) A canalización
unificada das incidencias e alertas que se produzan a través do número único
europeo de emerxencias 112.
b) A xestión, entendida como a aplicación e
adecuación dos plans establecidos ás características singulares das emerxencias
que se produzan, a través de protocolos específicos e a mobilización dos medios
e recursos dispoñibles ou que estean previstos incorporar para a mais adecuada
resolución da emerxencia.
3. Xestión da
rehabilitación mediante a restauración dos servizos esenciais e a recuperación
da situación de normalidade tras a emerxencia.
4. Xestión da formación e información:
a) A adecuada
formación, preparación e coordinación das persoas que interveñen de forma
profesional ou voluntaria na xestión de riscos e emerxencias.
b) A formación dunha cidadanía responsable que
colabore na prevención e xestión de riscos e a información públicas ás persoas e
colectivos que poidan verse afectados por emerxencias.
Máis información:
Galicia «DOG» núm. 94, de 16 de maio de 2007 «BOE» núm. 137, de 8 de xuño de
2007 Referencia: BOE-A-2007-11324
Lei 5/2007, de 7
de maio, de emerxencias de Galicia.
§ Policía Local:
O Corpo da Policía Local está situada na parte baixa do Concello
de Boiro. É un Instituto armado de natureza civil,
con estrutura e organización xerarquizada e que teñen que exercer as
seguintes funcións:
a)
Cooperar na resolución dos conflitos privados cando sexan requiridos para
elo.
b)
Protexer ás autoridades das Corporacións Locais e vixilancia ou custodia
dos seus edificios e instalacións
c)
Ordenar, sinalizar e dirixir o tráfico no casco urbano, dacordo có
establecido nas normas de circulación.
d)
Instruír atestados por accidentes de
circulación dentro do casco urbano.
e)
Policía Administrativa, no relativo ás Ordenanzas,
Bandos e demais disposicións municipais dentro do ámbito da súa competencia.
f)
Participar nas funcións de Policía Xudicial, na forma establecida no art. 29,2 desta lei.
g)
A prestación de auxilio, nos casos de accidente, catástrofe ou calamidade
pública, participando, na forma prevista nas leis, na execución dos plans de
Protección Civil.
h)
Efectuar dilixencias de prevención e cantas actuacións
tendan a evitar a comisión de actos delituosos no marco de colaboración
establecido nas Xuntas de Seguridade.
i)
Vixiar os espazos públicos e colaborar coas Forzas e Corpos
de Seguridade do Estado e ca Policía das Comunidades Autónomas na protección
das manifestacións e o l mantemento da orde en grandes concentracións humanas,
cando sexan requiridos para isto.
Mais información: "Lei Orgánica 2/86, do 13 de marzo, de Forzas e Corpos de Seguridade"
§ Bombeiros:
É un corpo que se ocupa principalmente da extinción de incendios e doutros servizos de diversa índole pero que en moitas ocasións están relacionados cun sinistro.
A súas principais funcións son: Coordinar o control e a extinción de todo tipo de conflagracións e
incendios entre outras emerxencias cotiás ou derivadas dun desastre onde se
precise a súa intervención, ao poñerse en risco vidas humanas e os seus bens
materiais. Actualmente os bombeiros son unha organización que se dedica a:
a) Prevención
de accidentes e incendios
b) Control e
extinción de incendios.
c) Atención
de incidentes con materiais perigosos.
d) Atención
prehospitalaria.
e) Salvamento
de persoas e animais en
casos de emerxencia.
f) Asistencia
e rescate en accidentes de tráfico.
g) Control
da prevención na edificación (soporte técnico).
h) Outros
sinistros difíciles de catalogar.
i) Educación
das persoas e nas empresas para a auto axuda en situacións de risco.
§ Garda Civil:
Con enderezo na Costa de Espiñeira - Boiro, a Garda Civil é un Corpo de Seguridade
Pública de natureza militar e ámbito nacional que forma parte das Forzas e Corpos
de Seguridade do Estado.
Entre as súas función están:
a) A misión de garantir a protección da cidadanía fronte a os actos delituosos
b) Asegurar o cumprimento das leis levando ante a Xustiza a todo o que as incumpra
c) Defender o libre exercicio dos dereitos e liberdades e preservar a
seguridade da cidadanía.
d) Atención e auxilio á cidadanía mediante a colaboración cos servizos de
Protección Civil
e) A vixianza do tráfico
f) Protección da natureza
g) Rescate e axuda en montaña e mar territorial
h) Calquera actuación que leve ao socorro e protección da cidadanía
§ Centro de Saúde:
Con enderezo en Lugar Saltiño s/n 15938
Boiro, o centro de saúde é un centro de atención médica primaria e atención de
emerxencias.
O centro de Saúde de Boiro conta, principalmente, cos seguintes servizos:
. Medicina xeral .Enfermería .Pediatría .Matrona . Fisioterapia
.Odontoloxía .
Farmacia . Análises
§ Hospital Barbanza:
Con enderezo en Lugar
Salmón s/n, Ribeira, é un establecemento
destinado á atención especializada e asistencia a enfermos por medio de persoal
médico, enfermería, persoal auxiliar e de servizos técnicos durante 24 horas,
365 días do ano e dispoñendo de tecnoloxía e aparatoloxía.
A atención especializada
comprende a: Asistencia especializada en consultas, a asistencia
especializada en hospital de día médico o cirúrxico, a hospitalización en
réxime de internamento, a hospitalización domiciliaria e o procedementos
diagnósticos e terapéuticos.
O Hospital do Barbanza conta cos
seguintes servizos:
a)
Laboratorio de análises clínicos/bioquímica
b)
Medicina Interna
c)
Servizo de anestesioloxía e tratamento da dor
d)
Servizo de farmacia
e)
Servizo de Hematoloxía clínica
f)
Servizo de Obstetricia
g)
Servizo de Radiodiagnóstico
h)
Servizo de rehabilitación
i)
Servizo de urxencias
§ Emerxencias: 112 (único)
O 112 é un número
único de asistencia á cidadanía ante calquera tipo de emerxencia (sanitaria, de
extinción de incendios e salvamento ou seguridade cidadán); é un numero gratuíto
que lle resolverá a súa emerxencia cos efectivos e medios necesarios (deste
xeito non fai falta chamar directamente aos servizos de atención de emerxencia
cidadán).
§ Punto Limpo:
O punto limpo é unha instalación
municipal cuxa principal función é a de ofrecer á cidadanía un lugar onde
depositar de xeito separado os residuos que se xeran no fogar. É un lugar de
reciclaxe.
Ø DEPARTAMENTO DE EDUCACIÓN:
·
Departamento
de Educación Concello de Boiro
Asume competencias
de xestión xeral e específica, planificación e dinamización educativa ou
participación cidadá. Adquiren, en xeral, unha estrutura con presuposto
específico e funcións diferenciadas, destacando tres áreas que se concretan nas
unidades de obras; dinamización e planificación educativa; e xestión e coordinación.
Segundo estas tres unidades as principais funcións do Departamento de
educación son:
a)
Promover, organizar
e coordinar actividades
educativas dirixidas ós centros escolares, asociacións, colectivos e
cidadanía en xeral. Actividades de educación ambiental, animación á lectura,
teatro, contacontos, exposicións…..
b)
Informa sobre cuestións relacionadas co ámbito educativo
de calquera nivel: primaria, secundaria,
formación profesional, ensinanzas de réxime especial (escolas de arte,
música, idiomas), educación especial, participación en programas e actividades
organizadas nas que colabore o Concello,
requisitos para beneficiarse das subvencións, becas convocadas en materia
educativa….
c)
Xestiona axudas
e subvencións municipais en
relación co ensino.
d)
Xestionar solicitudes de obras, competencia do Concello, dos centros educativos
e)
Organización, coordinación, dirección, execución da Aula de Adultos , onde se imparten clases
para a obtención do título de graduado en secundaria para persoas maiores de 16 anos cuns determinados requisitos,que queiran adquirir ,
actualizar ou ampliar os seus
coñecementos e aptitudes para o desenvolvemento persoal e profesional.
Matricula e asesoramento de cursos da AULA MENTOR.
f) En definitiva, encargase da planificación, organización, dirección,
coordinación, execución e control das actividades que se executan no ámbito
educativo, e de todas aquelas cuestión que poidan xurdir en casos especiais
como por exemplo as xurdidas por mor do covi-19.
§ Centro de Formación e Viveiro de Empresas; é un centro de
formación profesional onde se imparten cursos específicos de diversa actividade
empresarial
§ CEIP: son centros de ensinanza de educación infantil é
primaria (de 3 a 12 anos) obrigatoria de carácter público
§ IESP: Son institutos de educación secundaria de carácter
público
·
Garderías Infantís:
Toda
gardería vai dirixida a crianzas de o a 3 anos e ten tres funcións destacadas:
a) Ofrecer un contexto educativo e
de desenvolvemento para as crianzas.
b) Dar un servicio para as
familias que creen que a gardería é importante para o desenvolvemento dos seus
fillo/as, ou para conciliar a vida familiar e laboral.
c) É un apoio para os pais e nais
na educación dos seus fillos/as.
No Concello de Boiro temos tres garderías: dúas públicas, a "Gardería
Galiña Azul" situada no Lugar do Saltiño e outra en Praia Xardín; e outra de carácter privado: a Escola
Infantil Praia Xardín.
·
ANPAS de Boiro:
Son asociacións de
pais, nais e titores legais do alumnado dun centro educativo , legalmente
constituídas cuxo obxectivo principal é fomentar a participación das familias e
colaboración nunha educación integral, tanto académica como persoal.
As súas
principais funcións son:
a) Función de asistencia
aos país/nais: Asistir aos país, nais e titores en todo o relativo á educación dos seus fillos/as.
b) Función de
colaboración: Colaborar nas actividades educativas dos centros.
c) Función de promoción
de participación: Promover a participación dos pais, nais e/o titoras e titores do
alumnado na xestión do centro.
d) Función
de control: Asistir aos pais, nais e/o titores/as do alumnado no exercicio dos
seu dereito a intervir no control e xestión dos centros sostidos con fondos
públicos.
e) Función de representación ante os Consellos Escolares: Facilitar a representación e a
participación dos pais, nais e/o titores/as do alumnado nos consellos escolares
dos centros públicos e concertados, e noutros órganos colexiados.
Ø
OUTROS CONTACTOS DE INTERESE:
·
Axuda á Infancia:
A liña de axuda
á infancia é un servizo para tódolos/as nenos e nenas que nalgún momento se
sintan maltratados por outra persoa, necesiten axuda o queiran falar sobre os
problemas que lles afectan. Tamén poden chamar todas aquelas persoas que
saiban o sospeiten que algún neno ou nena pode estar a ser maltratado ou que non
está sendo correctamente atendido.
É unha liña gratuíta e anónima que funciona durante todo o ano, as 24
horas do día. Neste teléfono encontrarase sempre cun
profesional á disposición dos cativos, que buscarán a mellor solución para cada
caso.
·
Axuda á Muller:
Fundamentalmente esta liña axuda
céntrase nos seguintes obxectivos:
a) Facilitar información sobre
cuestións xurídicas, psicolóxicas, laborais, educativas, recursos e servizos
para mulleres e calquera outra información encamiñada á consecución da igualdade
das mulleres que de forma individualizada o soliciten.
b) Prestar servizos de
información e asesoramento ás mulleres sobre os recursos existentes na
prevención da violencia e axuda integral ás vítimas.
O teléfono da Muller está integrado por un equipo
multidisciplinar que ten por finalidade informar e asesorar sobre cuestiones
relacionadas cas seguintes materias:
a) Separacións, divorcios, abandonos do fogar, sentencias incumpridas...
b) Maltrato, vexacións, ameazas, agresións sexuais, acoso sexual...
c) Cursos ocupacionais, oposicións,
bolsas de emprego, creación de empresas...
d) Discriminación laboral, permisos de maternidade e paternidade, apoio á
contratación...
e) Servizos sociais, casas de acollida, centros de información á muller,
programas para mulleres desfavorecidas, gabinetes de orientación familiar..
f) Educación para a igualdade, materiais didácticos non sexistas,
publicidade discriminatoria para coas as mulleres...
g) Apoio ó asociacionismo, xornadas, seminarios, subvencións a asociacións,
publicacións...
h) Políticas de igualdade, proxectos europeos, actuacións de medidas de outros
organismos de igualdade...
É un servizo gratuíto e anónimo que funciona as 24
horas do día, dende calquera teléfono fixo o móbil, e que ten
cobertura para toda a Comunidade Autónoma.
Comentarios
Publicar un comentario